Türkmenistanyň Milli Ýaý Atyjylyk federasiýasy Koreýa çakylyk aldy. Bu çäre 2023-nji ýylyň 21-25-nji awgustynda Koreýa Respublikasynyň Wonju şäherinde geçiriler. 

Çakylykda şeýle diýilýär: 

Ýetginjek türgenleriň arasynda Bütindünýä ýaý atyjylyk we Aziýanyň bütindünýä ýaý atyjylygy boýunça ösüş komiteti 2023-nji ýylyň awgust aýynyň 20-den 25-ne çenli Koreýanyň Wonju şäherinde Ýaý atyjylyk sporty boýunça okuw-türgenleşik ýygnanşygyny we halkara ýaryşyny guraýar. Geçen ýyl üstünlikli geçirilen dabara mynasybetli, Aziýanyň bütindünýä ýaý atyjylyk komiteti ýapyk binalardaky/açyk meýdançadaky okuw-türgenleşik ýygnanşygynyň üsti bilen Aziýanyň ýaý atyjy türgenleriniň bäsleşik ukyplaryny ýokarlandyrylmagyna gönükdirilen bu çäreleri ýene bir gezek geçirýär. 

Biz şeýle wakalaryň Aziýanyň ýaý atyjy türgenlerine yzygiderli türgenleşmek arkaly ukyplaryny kämilleşdirmäge we okuw-türgenleşik ýygnanşygyndan lezzet almagynyň şaýady bolmaga mümkinçilik berjekdigine ynanýarys.

Maksatnama

 • 8/20 (ÝEKŞ) Ýurda gelmek we gözegçilikden geçmek
 • 8/21 (DUŞ) Bilelikdäki türgenleşik Medeni tejribe maksatnamasy  
 • 8/22 (SIŞ) Bilelikdäki türgenleşik we seminarlar Aziýa boýunça Ýaý atyjylyk ýaryşy-Resmi tejribe
 • 8/23 (ÇARŞ) Bilelikdäki türgenleşik we seminarlar Aziýa boýunça Ýaý atyjylyk ýaryşy - Saýlama 
 • 8/24 (PENŞ) Bilelikdäki türgenleşik we seminarlar Aziýa boýunça Ýaý atyjylyk ýaryşy - Saýlama 
 • 8/25 (ANNA) Aziýa boýunça Ýaý atyjylyk ýaryşy-Medal ugrundaky duşuşyklar 
 • 8/26 (ŞEN) Ýurtdan ugramak  

Geçirilýän ýeri: Wonju Ýaý atyş meýdançasy  

Okuw-türgenleşik ýygnanşygyny we halkara ýaryşyny alyp baryjy tälimçiler: 

 • Hýungtak Kim (KOR)
 • Sunghyeon Park (KOR) 
 • Jintaek Kim (KOR)
 • Doly hukukly agzalar assosiasiýasyndan iň köp üç adam (bir zenan türgen+bir erkek türgen+tälimçi)
 • Bu maksatnama üçin ýaş çäklendirmesi 23 ýaş (2000-nji ýylda doglan we ondan kiçiler)
 • Her jyns boýunça iň ýokary kwalifikasiýa utugy (70 metrden, 72 ok):

erkekler üçin 580 

zenanlar üçin 550